Kultur Bonua 2024
Kulturarekin hazi, hezi eta goza ahal izatea bultzatzeko asmoz atera dugu hamabigarren urtez jarrain Kultur Bonua.
Abenduak 14 (osteguna), arratsaldeko 19:00etan irekiko da 2024ko Kultur Bonua erosteko aukera, kulturaz.eus webgunean. 2013an hasi genuen ekimen honek 12. urtea betetzen du eta oso harrera ona izan ohi du urtero herritarren artean. Bonuak 90€ko kostua izango du eta kooperatibak, Azpeitiko udalaren laguntzaz, ikasle, langabetu eta pentsiodunei %50eko deskontua egingo die, beharrezko dokumentazioa aurkeztuta.
2024ko bonua digitala izango da, Kulturaz app-aren bidez. Bertan, Kultur Bonoaren kodea izateaz gain, erabileraren jarraipena emateko aukera egongo da.
Kultur Bonuaren bidez, Sanagustin kulturgunean, Soreasu Antzokian edota Dinamoa sormen gunean Kulturaz Kooperatibak antolatutako sarreradun ekitaldiez doan gozatzeko aukera eskaintzen da:
- 10 sarrera KONTZERTUetarako
- 10 sarrera FILMEetarako
- 6 sarrera ANTZERKI/DANTZArako
- 6 sarrera HAURREN IKUSKIZUNetarako
- Kultur proiektu edo ikastaroetan parte hartzeko deskontuak
Kultur Bonu bakoitzarekin ekitaldiko bi sarrera (gehienez) hartu ahal izango dira (bi erabilera gisa zenbatuko da). Ekitaldi guztietarako sarrerak aurrez hartu beharko dira kulturaz.eus atarian.
Kultur Bonua izan da herritarrei kultura eskura jarri eta kultur komunitatea indartzeko tresnetako bat. Azken urteotan kulturzale berriak sortzeko estrategiak diseinatzen dihardugu; kulturak etorkizunik izango badu ezinbestekoa da dugun ikuslegoa indartu eta belaunaldi berriak erakartzea.