Hilean behin, Azpeitiko Kultur Mahaiko bazkideen artean bi lagunentzako afaria zozkatzen hasiko gara

Urtean 10 euro dira Azpeitiko Kultur Mahaian bazkide egitea, eta horrekin Sanagustineko proiektuan, kultur komunikabideak sortzen eta garatzen edota herriko kultur egitaraua hobetzen lagunduko duzu. Eta horrez gain, Kultur Mahaiak egiten dituen zozketetan hartuko duzu parte; kontzertuetarako sarrerak, DVD-ak, liburuak eta, urritik aurrera, baita bi lagunentzako afariak ere. Afariak non? Sanagustin kulturgunean.

Kulturgunea iazko abenduan ireki zen, eta Azpeitiko Kultur Mahaiak —herriko kultur talde denak daude— orduan ekin zion herritarren artean bazkideak lortzeari, "kultur mugimenduari gorputz sozial handiagoa emateko". Sanagustin osatua zabaldu zenetik —Kultur Mahaiak kudeatua—, kanpainan sartuta dabiltza berriro eta, oraingoz, 330 bat bazkide dira guztira. Aurten 400 lortzeko helburua dute.

Fitxa hau bete behar da bazkide egiteko. Era berean, Sanagustin kulturgunean txartelak eta bazkide kaxa daude.