Sorkuntza Beketara proiektuak aurkezteko epea zabaldu da
2017az geroztik, kultur arloko sorkuntza bultzatzeko asmoz, Sorkuntza Bekak banatzen ditu Azpeitiko Udalak Kulturaz Kultur Kooperatibaren laguntzarekin.
Beka hau kultur eremuren batean diharduten edo hasi nahi duten pertsona orok eskuratu dezake. Hain zuzen ere, musika, pintura, eskultura, literatura obrak, antzezlanak, ikus-entzunezkoak, komikiak, soinu konposizioa, dantza edo beste diziplinaren batekin lotutako lanak gauzatu ahal izango dituzte. Helburua, artistei beren obra sortzen laguntzea da, kultur jarduera horren babes gisa. Sortzaileek apirilaren 20ra bitartean aurkeztu ahal izango dituzte proiektuak.
Kulturaz Kultur Kooperatiban hasieratik babestu dugu ekimen hau, eta sustatze, aukeraketa eta aurkezpen lanetan jardun asmoz gatoz aurtengoan ere. Une oro, sortzaileen bidelagun izango gara, horregatik, aholkularitza eta azalpen saioak eskainiko ditugu hasieratik.
Martxoaren 27rako bi azalpen saio antolatu ditugu, bata aurrez aurrekoa, eta bestea, online. Hauek izango dira hitzorduak:
- Online
- Ordua: 17:00etan
- Aurrez aurreko saioa
- Ordua: 15:30ean
- Lekua: Dinamoa sormen gunea
Azalpen saio horietan sortzaileek proiektua aurkezteko, irizpideak ezagutzeko eta dituzten zalantza guztiak argitzeko aukera izango dute.
Saioetan parte hartzeko bete ondorengo galdetegia.
Beken inguruko informazio guztia aurkituko duzue ondorengo estekan: https://dinamoa.eus/sorkuntza-bekak-2025/